بص يا حبوب انا سافرت خمس ساعات علشان أدلي بصوتي، لو حضرتك قاطعت علشان مسرحية حقك، الراجل اللي انا أعطيته صوتي خسر و لكن انا قابل النتيجة.
بما انها مسرحية في رأيك، المنطق برضه يقول تزوير مش تزوير مش مهم، ولا ايه.
حبيبي انا عارف العيوب و اللخبطة كويس من اول الدستور الذي يمنع من تزوج اجنبية او حمل جنسية اخري او أيا من والديه لغاية التعجيز في لم الف توكيل من ١٥ محافظة و تقديم طلب مكتوب بحبر معمول من قلب هدهد يتيم و طبعا النفخ و التطبيل و التخويف ... و لكن رغم كده انا شاركت و صوت ... لجنتي طلعت لعبد الفتاح بحوالي ٩٠٪ و انا مصدق النسبة و مش معترض عليها ... لو كان في تزوير اللي اتزور هو صوتي انا ... حضرتك ما شاركتش في المسرحية!
بما اننا ممكن نوافق أني مش جاهل او مُغييب و علي الأقل متابع يبقى لازم نشوف ليه انا قررت أشارك و أدلي بصوتي في ظروف بعيدة عن المثالية : الأسباب مش معقدة أوي
اول سبب هو احترامي للناس و الغالبية العظمي تعبت ولست قادر على الحديث عن الديمقراطية و في نفس الوقت أخذ موقف متعجرف و متعالي عن الناس. الأمن و الأكل و الشرب و اطمئنان الانسان على اسرته هي اهم حقوق الانسان و بغض النظر عن مين عمل مؤامرة ايه علشان يخوف الناس ، الناس عايزه كده .. ليس من حقي ان اسلب مواطن من حقه او رغبته لاعتقادي ان انا اعلم ما لأي علم هو، من أعطاني هذا الحق، و عن اي ديمقراطية و حقوق إنسان اتحدث اذاّ؟؟
السبب الثاني قناعتي ان الموجة الثورية و الشرعية الثورية انتهت برغبة الغالبية العظمى من الناس و اننا الان في مرحلة صراع بين الإصلاح من خلال الوسائل المتاحة و الحكم الفاشي و قناعتي ان عبد الفتاح السيسي سيكون رئيس مصلح رغم انه بعيد عن ما كنت افضل في رئيس لمصر في القرن الواحد و العشرين. اري ان المعارضة و رفض المشاركة من التيارات غير الاسلامية خطأ يقوي القوى الفاشية. علشان كده انا شاركت و اعتقد ان حمدين صباحي كان بطل حقيقيا في مشاركته.
السبب الأخير هو ان اي بديل تقدمه المقاطعة أسوء كثيرا من الوضع الحالي و لا يوجد توافق و روؤية واحدة بين المقاطعين. ما يسمون أنفسهم بالاشتراكية الثورية وقفوا امام ثورة ايران الخضراء و رضوا بقمع الملايين علي يدي فاشية احمدي نجاد ؟ هل اعتمد علي هؤلاء في دليلي الي ديمقراطية و حرية؟ المقاطعون يمثلون العديد من التيارات من ليبرالية مثالية أكن لها كل الاحترام الي إسلاميين لا يؤمنون بسلطة الشعب، و لذا اجد ان احتمال الإصلاح و التقدم اعلى مع المشاركة.
مرشحي خسر و انا راضي و متقبل السيسي رئيس و سأستمر في المشاركة الإيجابية و العمل علي تقدم بلدي و تحسين أحوالها ... و تحيا الانسانية
ايمن عاشور
٢٩ مايو ٢٠١٤
No comments:
Post a Comment